How To Pass Your Next Job Interview in Japan*

Sa pinakahuling seminar kung saan kabahagi ang kumpanya ko bilang sponsor ng isang Job Hunting Seminar, pinasulat ko ang mga magiging kalahok ng mga tema na gusto nilang talakayin ko sa seminar.

Narito ang ilan sa mga lumabas na paksa:

  • How to make an effective resume and how to pass the job interview.
  • How and where can I find a job that fits for me?
  • How to seek a job employment
  • How to find a good job
  • Salary
  • To find job near my place
  • Jobs for N5 and none at all
  • Where and how we can find job in Japan
  • How to make a resumè. The do’s and don’ts in applying for work.
  • Non-teaching career options for foreigners in Japan

 

Karamihan sa mga tema ay nasagot ko sa seminar subalit dahil sa kakulangan sa oras, hindi ko natalakay ang pagbibigay ng tips sa mga gustong makapagbigay ng magandang impresyon sa interbyu.

Kung mayroon kang nalalapit na interbyu para sa trabahong lilipatan mo o kaya naman ay interbyu para sa intership na kailangan mo para sa trabaho, para iyo ang kolum na ito.

1. Be ready.

Hindi natatapos ang paghahanda mo bilang isang aplikante pagkatapos mong isumite ang iyong resume. Sa katunayan, nagsisimula pa lang ito dito. Bilang aplikante, marami kang kailangang paghandaan bago ang mismong interbyu.

Una, kailangan mong siguraduhin kung ano ang kailangan mong isuot sa araw ng interview. Depende sa inaaplayang trabaho, maaaring hindi mo kailangang magsuot ng suit o formal na damit. Kung hindi sigurado, hindi masama na magtanong mismo ng diretso sa taong mag-iinterview sa iyo kung ano ang dapat mong isuot. Mas maganda ng maging siguro kaysa magsisi sa kuli.

“One important key to success is self-confidence. An important key to self-confidence is preparation.” –Arthur Ashe

Pangalawa, saliksikin na agad ang address ng lugar ng interbyu at kinagabihan pa lang ay hanapin na ito sa google maps. Kung hindi ka magaling sa direksyon, mas lalong kailangan mo itong paghandaan dahil ayaw mong ma-late sa iyong interview o kaya naman ay pawisang dumating doon dahil tumakbo ka para lamang makarating sa tamang oras.

2. Be presentable.

Marami sa atin, dahil sa kaba kakaisip ng kung anong itatanong sa interview, nakakalimutan paghandaan ang kanilang pisikal na hitsura. Kailangan mo na bang magpagupit? Kailangan mo bang mag-ahit? Kailangan mo bang mag-pony tail?

Lalo na kung Japanese company ang inaaplayan mo, mahalaga para sa kanila ang pisikal na hitsura ng aplikante. At depende na rin sa trabaho na target mo, mas magandang iwasang magpabango lalo na pag sa restawran ang puntirya mong trabaho.

“The future belongs to those who believe in the beauty of their dreams.” –Eleanor Roosevelt

Kahit hindi matatas sa Nihongo, maganda rin na makapaghanda ka ng jiko shoukai o self-introduction sa Nihongo. Kahit ito lang ang kaya mong sabihin, tiyak matutuwa ang Hapon na magi-interview sa iyo dahil pinilit mo pa ring maghanda at magkabisa.

 

How to Fill-up a Japanese Resume (CV)

Be sure to come prepared with an easy-to-read resume. Click the link on How to Fill-up a Japanese Resume.

3. Be polite.

Kadalasan marami sa atin iniisip na ang pinakabatayan ng pagpasa sa interbyu ay ang kagalingan sa pagsagot ng mga tanong. Sa katunayan, maliit na porsyente lang ito sa tinitignan ng mga nagi-interbyu sa isang aplikante.

“If you don’t like something, change it. If you can’t change it, change your attitude.” –Maya Angelou

Ilan sa mga mas binibigyan ng halaga ay ang karakter ng isang aplikante. Kasama dito ang pagiging masunurin at mapagkumbaba. Kapag pumasok ang mag-interview tumayo ka, at tanggapin ang kanilang business card gamit ang dalawang kamay. Dagdag pa, kapag hindi sigurado sa sagot lalo na kapag Nihongo ang gamit na wika, huwag kalimutang gumamit ng “desu” at “masu” form.

Sa ganitong paraan, pinapakita mo na pamilyar ka sa kulturang Hapon at nirerespeto mo ang kanilang kultura. Kung ganito ang iyong pagtingin, malamang ay hindi ka rin mahihirapan na makapag-adjust kapag nagtrabaho ka na sa kanilang kumpanya dahil ikaw mismo pamilyar ka na kung paano makisama sa mga Hapon at sa ipa bang lahi.

4. Be calm.

Bilang taga-interbyu, isa sa mga una kong sinasabi sa mga aplikante ay ang huwag kabahan. Mas madaling sabihin para sa akin kasi wala ako sa kanilang kalagayan. Gayunpaman, alam ko ang pakiramdam ng kabado at tensyonado. At isa lang ang masasabi ko kapag hindi ka naging kalmado: hindi mo mailalabas ang tunay mong personalidad.

“Believe in yourself! Have faith in your abilities! Without a humble but reasonable confidence in your own powers you cannot be successful or happy.”–Norman Vincent Peale

Bukod sa karakter, isa rin ang personalidad sa tinitignan ng mga employer sa mga aplikante. Kung nag-a-apply ka sa restawran bilang waiter/waitress, mahalaga para sa kanila na ang personalidad ng aplikante ay masayahin at pala-ngiti. Kung ikaw naman ay nag-a-apply sa hotel o factory, madalas titignan nila kung seryoso ang aplikante.

 

*This article first appeared in the May 2018 issue of Daloy Kayumanggi. You can check out their website here: www.daloykayumanggi.com